Тус хэлтэс нь 2026 онд хууль тогтоомжид заасан улсын бүртгэлийн үйл ажиллагааны үндсэн чиг үүргийг хэрэгжүүлэх, иргэнд төрийн үйлчилгээг чанартай, хүртээмжтэй, шуурхай хүргэх, зорилгоор "Иргэн, хуулийн этгээдийн хэрэгцээ шаардлагыг хангасан, олон улсын жишигт нийцсэн улсын бүртгэлийн тогтолцоог хөгжүүлнэ" зорилтыг дэвшүүлэн ажилласан. Зорилтын хүрээнд

1. Тус хэлтсийн албан хаагчдын дунд зохион байгуулж буй “Өглөөний уулзалт сургалтыг 2026 оны 03 дугаар сарын 11-ний өдөр Дорноговь аймгийн Хүүхэд гэр бүлийн хөгжил хамгааллын газартай хамтран зохион байгууллаа. Тус газрын Гэр бүлийн хөгжлийн мэргэжилтэн А.Эрдэнэзаяа “Байгууллагын эцэг эхийн зөвлөлийн үйл ажиллагаа болон хүүхэд хамгааллын бодлого” сэдвээр мэдээлэл хийсэн.
2. Аймгийн Засаг даргын тамгын газрын Хууль, эрх зүйн хэлтсээс харьяа хууль, хяналтын байгууллагуудтай хамтран эрх зүйн боловсрол олгох хөтөлбөрийг хэрэгжүүлж, Монгол улсад мөрдөгдөж буй хууль тогтоомжийн талаарх мэдлэг ойлголтыг нэмэгдүүлэх, иргэдийн эрх, хууль ёсны ашиг сонирхлоо хамгаалах чадварыг дээшлүүлэх, улмаар төрийн үйлчилгээний ил тод, хүртээмжтэй байдлыг нэмэгдүүлэх зорилгоор 2026 оны 03 дугаар сарын 12-ны өдөр аймгийн Нийгмийн даатгалын газар, Эрүүл мэндийн даатгалын хэлтэс, Боловсролын газар, Стандарт хэмжил зүйн газрын 50 гаруй албан хаагчдад сургалт зохион байгуулсан. Тус сургалтад Улсын бүртгэлийн хэлтсийн Захиргааны ахлах мэргэжилтэн С.Эрдэнэхишиг оролцож Улсын бүртгэлийн үйл ажиллагаа болон бүртгэлийн үйлчилгээний талаар мэдээлэл хийж ажилласан.
3. Улсын бүртгэлийн хэлтсийн Хяналтын улсын байцаагч Э.Уранбилэг 2026 оны 03 дугаар сарын 13-ны өдөр Зөрчил шалган шийдвэрлэх болон Замын-Үүд сумын улсын бүртгэгч нарын бүртгэлийн үйл ажиллагаанд хяналт шалгалт хийх
4. Дорноговь аймгийн Сайхандулаан сумын ЗДТГ-аас 2026 оны 03 дугаар сарын 02-ны өдөр зохион байгуулсан 1 дүгээр багийн “Иргэдийн Нийтийн хурал”-ын үйл ажиллагаанд тус сумын улсын бүртгэгч М.Наранцацрал оролцож Улсын бүртгэлийн үйл ажиллагаа болон бүртгэлийн үйлчилгээний талаар мэдээлэл хийж, үйл ажиллагаанд оролцсон 94 иргэнд гарын авлага, материал тарааж ажилласан байна.

Иргэн, эд хөрөнгө, хуулийн этгээдийн улсын бүртгэлийн үйлчилгээг 2026 оны 03 сарын 31-ны байдлаар аймгийн хэмжээнд нийт 9950 иргэн, хуулийн этгээдэд үзүүлсэн байна.

1. ИРГЭНИЙ УЛСЫН БҮРТГЭЛИЙН ЧИГЛЭЛЭЭР

Иргэний улсын бүртгэл хөтлөх чиглэлээр 7343 иргэнд иргэний бүртгэлийн үйлчилгээг үзүүлсэн байна. Үүнд:

• Төрсний бүртгэл- 254
• Гэрлэсний бүртгэл-52
• Гэрлэлт дуусгавар болсны бүртгэл-34
• Үрчилсний бүртгэл-2
• Овог, эцэг эх –ийн нэр, өөрийн нэр өөрчилсний бүртгэл-10
• Эцэг, эх тогтоосны бүртгэл-14
• Нас барсны бүртгэл-101
• Биеийн давхцахгүй өгөгдлийн бүртгэл-762
• Иргэний үнэмлэхний бүртгэл-125
• Үндэсний энгийн гадаад паспорт олголт-944
• Нэг удаагийн хавсралт-11
• Олон удаагийн хавсралт-2581
• Аймаг хотоос шилжин ирсэн-305
• Хот доторх шилжилт хөдөлгөөн-541
• Иргэнд лавлагаа олголт-1345
• Албан хэрэгцээнд лавлагаа олголт -121
• Хууль хяналтын байгууллагад-141

2. ЭД ХӨРӨНГИЙН ЭРХИЙН УЛСЫН БҮРТГЭЛИЙН ЧИГЛЭЛЭЭР

Эд хөрөнгийн эрхийн улсын бүртгэл хөтлөх чиглэлээр 2154 эд хөрөнгийн эрхийн улсын бүртгэлийн үйлчилгээг үзүүлсэн байна. Үүнд:

• Анхны бүртгэл-226
• Өмчлөх эрх шилжих гэрээ-348
• Барьцааны гэрээ-1300
• Бусад гэрээ-8
• Бүртгэлд өөрчлөлт оруулах-92
• Лавлагаа, хуулбар- 41
• Төрөөс хувьчилсан газрын өмчлөх эрхийг анх удаа бүртгэх-139

3. ХУУЛИЙН ЭТГЭЭДИЙН УЛСЫН БҮРТГЭЛИЙН ЧИГЛЭЛЭЭР

Хуулийн этгээдийн улсын бүртгэл хөтлөх чиглэлээр 453 хуулийн этгээдийн улсын бүртгэлийн үйлчилгээ үзүүлсэн байна.

• Шинээр байгуулсан хуулийн этгээдийн бүртгэл-70
• Хуулийн этгээдийн мэдээлэлд оруулсан өөрчлөлтийн бүртгэл-67
• Хуулийн этгээдийн салбар төлөөлөгчийн газар шинээр бүртгүүлсэн-3
• Хуулийн этгээдийн оноосон нэрийн баталгаажуулалт-167
• Хуулийн этгээдийн тамга, тэмдгийн хяналтын дугаар олгосон-87
• Хуулийн этгээдээс хураан авсан тамга, тэмдгийн бүртгэл-18
• Лавлагаа, хуулбар олгосон -38
• Шүүхийн шийдвэрээр хориг тавьсан, цуцалсан бүртгэл-3

Дэлгэрэнгүй мэдээлэл авах эх сурвалж:

Хэлтсийн дарга: С.Энх-Эрдэнэ
Холбоо барих утас: 7706-0101
Цахим шуудан: s.enkh-erdene@burtgel.gov.mn
Өрөөний дугаар: 101А тоот