Монгол Улсын Засгийн газраас хэрэгжүүлж буй "Цахим засаглал үндэсний хөтөлбөр"-ийн хүрээнд IWFCI Mongolia буюу Олон Улсын Эмэгтэйчүүдийн Худалдаа Аж Үйлдвэрийн Холбоо болон Эмпасофт ХХК санаачлан Inspire 2020: ЦАХИМ ШИЛЖИЛТИЙГ ХҮН БҮРТ төслийг Дорноговь аймгийн Сайншанд суманд 2020 оны 10 дугаар сарын 30-31 хооронд зохион байгуулав.
Мобиком корпораци ХХК, НҮБ-ийн хүүхдийн сан, Гааль, татвар, Санхүүгийн мэдээллийн технологийн төв, Айтүүлс ХК, Гэрэгэ системс, Able, Шамбала, Дорноговь аймаг дахь Улсын бүртгэлийн хэлтэс, iGeree, Odo.mn зэрэг байгууллагын 12 илтгэгч орон нутгийн иргэдэд цахим хэрэглээг илүү ойртуулах, ач холбогдлыг нь таниулах, төрөөс хэрэгжүүлж буй цахим үйлчилгээнүүдийн талаар дэлгэрэнгүй мэдээлэл өглөө.
