Улсын бүртгэлийн Ерөнхий газрын дарга, улсын ерөнхий байцаагчийн баталсан 2021 оны 3 дугаар сарын 16-ны өдрийн “Улсын бүртгэлийн байгууллагын орон нутаг дахь хэлтсээс иргэний үнэмлэх, үндэсний гадаад паспорт, улсын бүртгэлийн гэрчилгээг барьцаалж, үйлчилгээ үзүүлж байгаа иргэн, хуулийн этгээдийн үйл ажиллагаанд хяналт шалгалт хийх ажлын удирдамж”, Хяналт шалгалтын газрын даргын 2021 оны 3 дугаар сарын 17-ны өдрийн 8/1760 дугаар албан бичгээр ирүүлсэн чиглэл, тус хэлтсийн 2021 оны хяналт, шалгалт хийх ажлын төлөвлөгөө, аймгийн Прокурорын газар, Цагдаагийн газар, Улсын бүртгэлийн хэлтсийн хамтран баталсан удирдамжийн дагуу Дорноговь аймгийн хэмжээнд үйл ажиллагаа явуулж буй хүнсний дэлгүүр, мухлаг, ТҮЦ, гар дээр худалдагч, барьцаалан зээлдүүлэх газруудын үйл ажиллагаанд 2021 оны 04 дүгээр сарын 26-ны өдрөөс 2020 оны 05 дугаар сарын 03-ны өдрүүдэд аймгийн Цагдаагийн газраас томилогдсон бүрэлдэхүүний хамт Сайншанд суманд Хяналтын улсын байцаагч Өлзийчулуугийн Сонинбаяр, улсын бүртгэгч Э.Уранбилэг бичиг хэргийн ажилтан Г.Тэмүүлэннар, Замын-үүд суманд улсын бүртгэгч С.Шүрэндулам тус сумын цагдаагийн хэлтсээс томилогдсон бүрэлдэхүүний хамт,Даланжаргалан сумын улсын бүртгэгч Л.Нямхүү, Дэлгэрэх сумын улсын бүртгэгч Ж.Өлзийжаргал, Иххэт сумын улсын бүртгэгч Д.Мөнхцэцэг, Мандах сумын улсын бүртгэгч Н.Наран-Эрдэнэ, Өргөн сумын улсын бүртгэгч Б.Одбаяр, Улаанбадрах сумын улсын бүртгэгч С.Мөнхтуяа, Хөвсгөл сумын улсын бүртгэгч Т.Энхтуяа, Эрдэнэ сумын улсын бүртгэгч Ч.Энхжаргал нар сумын хэсгийн төлөөлөгч, цагдаагийн хамтаар хүнсний дэлгүүр, мухлаг, ТҮЦ, гар дээр худалдагч, барьцаалан зээлдүүлэх газруудад иргэний бичиг баримт, улсын бүртгэлийн гэрчилгээ барьцаалж байгаа эсэхэд хяналт шалгалтыг хийсэн.
Аймгийн төвийн Сайншанд суманд үйл ажиллагаа явуулж буй барьцаалан зээлдүүлэх газар, хүнсний дэлгүүрийн үйлчилгээ эрхэлдэг 150 хуулийн этгээдийн судалгааг гаргасан.
Ковид-19 цар тахлын улмаас шалгалт хийх хугацаанд өөрчлөлт оруулж хойшлогдсон бөгөөд мөн хөл хорио тогтоож зарим үйлчилгээний газруудын үйл ажиллагааг зогсоосонтой холбоотойгоор зочид буудал, ресторан, зоогийн газар, цайны газар, авто машины засвар үйлчилгээ эрхэлдэг 69 газар, үйл ажиллагааны чиглэлийг барьцаалан зээлдүүлэх үйлчилгээ эрхлэхээр бүртгүүлсэн боловч уг үйл ажиллагааг эрхлэхгүй байгаа 18 хуулийн этгээд, 2021 он гарснаас хойш ажиллагаагүй 1 ломбард, 5 дугаар багийн нутаг дэвсгэрт үйл ажиллагаа явуулдаг 5 хүнсний дэлгүүр нийт 93 газар шалгалтанд хамрагдаагүй.
Барьцаалан зээлдүүлэх үйлчилгээ эрхэлдэг 11 хуулийн этгээд, хүнсний дэлгүүрийн үйлчилгээ эрхэлдэг 46 дэлгүүр, мөн өмнө нь энэ төрлийн зөрчил гаргаж байсан сэлбэгийн худалдаа эрхэлдэг 1 дэлгүүр, гар дээрээс худалдаа эрхлэгч 1 иргэн нийт 59 газарт хяналт, шалгалт хийсэн.
Даланжаргалан суманд 20, Дэлгэрэх суманд 14, Иххэт суманд 18, Мандах суманд 6, Өргөн суманд 14, Улаанбадрах суманд 12, Хөвсгөл суманд 4, Эрдэнэ суманд 13, Замын-Үүд суманд 13, нийт 114 хуулийн этгээдэд хяналт шалгалтыг хийсэн.
Энэ удаагийн шалгалтаар аймгийн хэмжээнд нийт 10 сумын 173 нэгжид хяналт шалгалтынг хийж, 78 зөрчил илрүүлсэн байна.
