Залуу үеийнхэнд эх оронч сэтгэлгээг төлөвшүүлэх, төр улсаа эрхэмлэн дээдлэх, эх орон ард түмнийхээ өмнө хүлээх хариуцлагаа ухамсарлан чин шударгаар амьдрах, түүх соёлоороо бахархах үзлийг төлөвшүүлэх зорилготойгоор 16 нас хүрсэн сурагчид иргэний андгай өргөж, иргэний үнэмлэхээ гардан авлаа. Монгол улсын иргэний андгай өргөх ёслолыг Аймгийн гэр бүл, хүүхэд залуучуудын хөгжлийн газар, Боловсрол шинжлэх ухааны газар, Замын-Үүд сумын ЗДТГ, Айраг сумын ЗДТГ -тай хамтран зохион байгуулж тус арга хэмжээнд 16 нас хүрч буй 336 хүүхэд хамрагдав.
