Хууль зүй, дотоод хэргийн сайд Б.Энхбаяр Улсын бүртгэлийн байгууллагад ажиллалаа

Улсын бүртгэлийн ерөнхий газарт Хууль зүй, дотоод хэргийн сайд Б.Энхбаяр болон ХЗДХЯ-ны төрийн нарийн бичгийн даргын албан үүргийг түр орлон гүйцэтгэгч Л.Нямгэрэл тэргүүтэй холбогдох албаны хүмүүс өнөөдөр буюу 2024.01.29-ний өдөр ажиллаж бүртгэлийн байгууллагын үйл ажиллагаатай танилцлаа.

УБЕГ-ын дарга Д.Дэлгэрсайхан иргэний цахим үнэмлэхийн үйлдвэр болон үндэсний энгийн цахим гадаад паспортын бичилтийн үйлдвэр, сервер, улсын бүртгэлийн үйлчилгээний төвүүдийн үйл ажиллагааны камерын хяналтын өрөө, цахим үйлчилгээний төв, архивын баримт бичгийн хадгалалт хамгаалалт орчин нөхцөл болон байгууллагын үйл ажиллагааны талаар дэлгэрэнгүй танилцуулав. Түүнчлэн 24/7-цахим үйлчилгээний төв, бүртгэлийн зөөврийн буюу хөдөлгөөнт үйлчилгээ, төр хувийн хэвшилийн түншлэлийн бүртгэлийн үйлчилгээ зэрэг улсын бүртгэлийн байгууллагад хийгдэж байгаа онцлог ажлуудын талаар мэдээлэл өгөв.

/Үндэсний энгийн цахим гадаад паспорт хэвлэх үйлдвэртэй танилцав/

/Серверийн өрөө болон бусад холбогдох тоног төхөөрөмжүүдтэй танилцав/

/Улсын бүртгэлийн үйлчилгээний төвүүдийн үйлчилгээний танхимын камерын хяналтын өрөөтэй танилцав/

/Иргэний цахим үнэмлэх хэвлэх “PP6500” загварын тоног төхөөрөмжтэй танилцсан бөгөөд уг төхөөрөмж нь иргэний үнэмлэхэд ойрын зайнаас мэдээлэл солилцох технологи /NFC/-ийг нэвтрүүлэх боломжийг бий болгосон юм/

/Улсын бүртгэлийн нэгдсэн архивын сан хөмрөгтэй танилцав/

/Улсын бүртгэлийн зөөврийн буюу хөдөлгөөнт үйлчилгээний тоног төхөөрөмжтэй танилцав/

/Үндэсний энгийн цахим гадаад паспорт захиалах автомат машинтай танилцав/

/Улсын бүртгэлийн архивын түүхэн үзмэртэй танилцав /

ХЗДХ-ийн сайд Б.Энхбаяр нь Улсын бүртгэлийн байгууллагын баримталж буй бодлого, үйл ажиллагаанд сайшаалтай хандаж буйгаа илэрхийлэн, цаашид авч хэрэгжүүлэх арга хэмжээ, анхаарах асуудлууд болон иргэд олон нийтэд үйл ажиллагаагаа сурталчилахад анхаарах тухай чиглэл өгснөөр өндөрлөв.

УБЕГ-ын Хамтын ажиллагаа, сургалтын хэлтэс