УБЕГ-ын Бодлого төлөвлөлт, дүн шинжилгээний газраас санаачилсан “Бүртгэлийн илч” аяны хүрээнд улсын бүртгэлийн байгууллагын албан хаагчид өвөлжилт хүндэрсэн малчин өрхөд дэм үзүүлэх, хандив хүргэх ажлыг зохион байгууллаа.
Төв аймгийн Баянхангай, Аргалант, Баянцагаан, Сэргэлэн сумын 30 өрхөд өвс, тэжээл, хүнс, ахуйн хэрэглээний 15.425.000 төгрөгийн хэрэгцээт зүйлсийг Хил хамгаалах ерөнхий газрын, тээврийн хэрэгслийн тусламжтайгаар малчдын хотонд буюу зорилтод бүлэгт биечлэн хүргэлээ.
Малчид чин сэтгэлийн үгээ хэлж, бүртгэлийн байгууллагын албан хаагчдад баярласан талархсанаа илэрхийлсэнийг дуулгахад таатай байна.
Сайн үйлс бүхэн дэлгэрч, Монгол оронд зуд, гангүй дэлгэр сайхан цаг ирэх болтугай.
