Улсын бүртгэлийн ерөнхий газрын 2023 оны 05 дугаар сарын 24-ний өдрийн Б/424 тушаалаар тус хэлтсийн зохион байгуулалтын бүтэц, орон тооны дээд хязгаарыг 29, гэрээт ажилтны 2 орон тоо, нийт 31 орон тоотойгоор баталсан.
Тайлант хугацаанд тус хэлтэс нь төрийн захиргааны 23, төрийн үйлчилгээний 4, гэрээт 2 ажилтантайгаар үйл ажиллагаа явуулж байна.
Хэлтсийн даргын Хүний нөөцийн үйл ажиллагаатай холбоотой 17 тушаал гаргасан байна. Үүнд:
- Ээлжийн амралтын хуваарь батлах тухай-1
- Ажилд томилох, ажлаас чөлөөлөхтэй холбоотой-2,
- Цалин хөлс, ур чадварын нэмэгдэл олгохтой холбоотой-11,
- Итгэмжлэгдсэн ажилтан томилох тухай -2,
- Шуурхай баг -2 тушаал гарсан байна.
Улсын бүртгэлийн ерөнхий газрын даргын хүний нөөцийн үйл ажиллагаатай холбоотой 27 тушаал гарсан байна. Үүнд:
- Ээлжийн амралтын хуваарь батлах тухай-1
- Төрийн захиргааны албан тушаалын зэрэг дэв олгох тухай-1
- Ажилд томилох, ажлаас чөлөөлөх, ажлаас чөлөөлж, албан тушаалд томилох, тухай, шилжүүлэх тухай, төрийн албанаас түр чөлөөлөх тухай, -11,
- Сахилгын шийтгэл оногдуулах тухай-5,
- Тушаалын хавсралтад өөрчлөлт оруулах тухай-1,
- Тушаалд өөрчлөлт оруулах тухай-1
- Төрийн үйлчилгээний албан хаагчдын үндсэн цалинг шинэчлэн тогтоох тухай-1,
- Сумын улсын бүртгэгч нарт эд хөрөнгийн эрхийн улсын бүртгэл хөтлөх эрх олгох тухай-1
- Сумын улсын бүртгэгч нарт хуулийн этгээдийн улсын бүртгэл хөтлөх эрх олгох тухай-1,
- Илүү цагаар ажилласан цалин хөлсийг олгох тухай-1,
- Буцалтгүй тусламж олгох тухай-1,
- Хоол унааны нөхөх төлбөрийг шинэчлэн тогтоох тухай-1,
- Гэрээт албан хаагчдын цалин шинэчлэн тогтоох тухай-1,
Албан хаагчид ногдуулсан сахилгын шийтгэл.
Улсын бүртгэлийн ерөнхий газрын даргын тушаалаар Албан тушаалын цалингийн хэмжээг 3 сар хүртэл хугацаагаар 20 хүртэл хувиар бууруулах арга хэмжээ авахуулсан 2 албан хаагчид, сануулах сахилгын шийтгэл 3 албан хаагчид ногдуулсан.
Хуульд заасан бусад төрлөөр буюу Улсын бүртгэлийн байгууллагын үйлчилгээний стандарт зөрчсөн, ёс зүйн зөвлөлийн шийдвэрээр сахилгын шийтгэл ногдуулсан албан хаагч байхгүй байна.
Албан хаагчид олгосон шагнал урамшуулал.
Тайлант хугацаанд 4 албан хаагчийг шагнаж урамшуулсан ба шагналын төрлөөр авч үзвэл:
- Байгууллагын шагнал : Улсын бүртгэлийн ерөнхий газрын “Хүндэт жуух бичиг” шагналаар -4 албан хаагч
- Засгийн газрын шагнал: Хуульзүй дотоод хэргийн яамны “Хүндэт Жуух бичиг” шагналаар -1 албан хаагч тус тус шагнаж урамшуулсан байна.
Төрийн захиргааны албан хаагчдын 2023 оны гүйцэтгэлийн төлөвлөгөөний хэрэгжилтийн үнэлгээ, төрийн албанд ажилласан болон тухайн албан тушаалын ангилалд ажилласан хугацаа, үйл ажиллагааны үр дүн, мэргэшлийн түвшинг харгалзан Төрийн албаны зөвлөлийн Улсын бүртгэлийн ерөнхий газар дахь салбар зөвлөлөөс санал уламжилсны дагуу төрийн захиргааны 13 албан хаагчдад зэрэг дэв ахиулах болон шинээр зэрэг дэв олгосон. Үүнд:
Ахлах түшмэлийн гутгаар зэрэг-1
Дэс түшмэлийн дөтгөөр зэрэг – 1 албан хаагч,
Дэс түшмэлийн гутгаар зэрэг- 3 албан хаагч
Дэс түшмэлийн дэд зэрэг- 3 албан хаагч,
Дэс түшмэлийн тэргүүн зэрэг-5 албан хаагчдад олгосон байна.
УБЕГ-аас 2022 оны 05 дугаар сарын 26-ны өдрийн 3/4644 тоот албан бичигт ажил үүргээ гүйцэтгэхдээ холбогдох хууль тогтоомж, дүрэм журмыг зөрчиж бүртгэл хөтөлсний улмаас гэмт хэрэг гарах шалтгаан, нөхцлийг бүрдүүлж эрүүгийн хэрэгт холбогдох асуудал цөөнгүй гарч байгаа талаар сануулан Улсын бүртгэлийн багц хууль, нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх, Авлигын эсрэг хууль холбогдох дүрэм журам, албан тушаалын тодорхойлолтод заасан чиг үүргээ хэрэгжүүлэхдээ авилга ашиг сонирхлын зөрчлөөс сэргийлж, хуулийн хүрээнд ажиллахыг шинээр томилогдсон 3 улсын бүртгэгч нарт танилцуулсан, УБЕГ-ын даргын 2023 оны 11 сарын 13-ны өдрийн А/1716 тоот тушаалаар баталсан байгууллагын хөдөлмөрийн дотоод журам, байгууллагын үйлчилгээний стандарт, Төрийн захиргааны болон үйлчилгээний албан хаагчийн ёс зүйн дүрэм, Төрийн болон албаны нууцын тухай хууль, Авилга ашиг сонирхлын зөрчлөөс урьдчилан сэргийлэх тухай хууль тогтоомжийн санамж эрхзүйн баримт бичигтэй танилцуулж Авилгаас ангид байх баталгааны хуудсанд гарын үсэг зуруулан албан хаагчдын хувийн хэрэгт хавсаргасан.
Хэлтсийн 26 алба хаагч улсын бүртгэлийн байгууллагын хүний нөөц, сургалтын нэгдсэн системд тавигдсан сургалт мэдээлэлтэй тухай бүр танилцаж, бие даах хичээл болон чиглэл, үүрэг даалгаврыг бүрэн судалж шалгалтыг 85-100 хувийн амжилттай өгсөн.
Шинээр томилогдсон 3 улсын бүртгэгчид хүний нөөц, сургалтын нэгдсэн системд нэвтрэх эрхийг нээлгэж, хичээлийг судлуулж эхлээд байна.
