Дорноговь аймгийн Улсын бүртгэлийн хэлтсийн нийт албан хаагчдын дунд 2025 онд хэрэгжүүлэх арга хэмжээ, цаашид анхаарах асуудлын талаарх сургалт, зөвлөгөөн 2025 оны 04 дүгээр сарын 09-өөс 11-ний өдрүүдэд зохион байгуулагдаж байна. Тус хэлтэс нь 2025 онд орон нутгийн иргэдэд улсын бүртгэлийн үйл ажиллагааг хүндрэл чирэгдэлгүй, түргэн шуурхай хүргэх зорилтыг дэвшүүлж “Манлайллыг үзүүлж, бүтээмжийг нэмэгдүүлэх” жил болгон зарлалаа.
Тус арга хэмжээнд аймгийн Засаг даргын орлогч Г.Март оролцож аймгийн хэмжээнд хэрэгжүүлж буй бодлого шийдвэр, цаашид анхаарах асуудлын талаар үүрэг чиглэл өглөө. Энэ үеэр аймгийн Засаг даргын “Хүндэт жуух”, “Өргөмжлөл” болон Сайншанд сумын иргэдийн төлөөлөгчдийн хурлын даргын “Жуух” бичгээр нэр бүхий албан хаагчдыг тус тус шагнаж урамшууллаа. Мөн албан хаагчдын ёс зүй, харилцаа болон авлигаас урьдчилан сэргийлэх чиглэлээр аймгийн ЗДТГ-ын холбогдох мэргэжилтнүүд сургалт орлоо.
Гадаад паспортын захиалгыг бүх сумдад авч эхлэхтэй холбогдуулан анхаарах асуудал болон иргэний гадаад паспортын зураг авахад анхаарах асуудлын талаар мэргэжлийн зурагчин сургалт орлоо. Сургалт, зөвлөгөөн үргэлжилж байна.
.jpg)
