Аймаг, нийслэл, сум, дүүргийн иргэдийн Төлөөлөгчдийн Хурлын 2025 оны нөхөн сонгууль Дорноговь аймгийн Айраг сумын 4 дүгээр баг, Дэлгэрэх сумын 2 дугаар баг, Сайхандулаан сумын 4 дүгээр багт тус тус зохион байгуулагдана.
Үүнтэй холбогдуулан 2025 оны 4 дүгээр сарын 23-ны өдрөөс 6 дугаар сарын 23-ны өдөр хүртэлх хугацаанд тухайн багуудын хэмжээнд иргэний шилжилт хөдөлгөөнийг түр хугацаанд зогсооно.
Иргэд та бүхэн дээрх хугацаанд шилжилт хөдөлгөөн хийх боломжгүй болохыг анхаарч, шаардлагатай бол хугацаанаас өмнө шилжилт хөдөлгөөний бүртгэл хийлгэхийг анхаарна уу. Хэрэв өөрийн биеэр очих боломжгүй бол Төрийн үйлчилгээний нэгдсэн систем (e-mongolia)-ээр хүсэлт гарган шилжилт хөдөлгөөний бүртгэлийг хийлгэх боломжтой.
