2025 онд Улсын бүртгэлийн байгууллагын 85 жилийн ой тохиож байгаатай холбогдуулан Дорноговь аймгийн Улсын бүртгэлийн хэлтсээс иргэд, олон нийтэд чиглэсэн зорилтот арга хэмжээг үе шаттайгаар зохион байгуулахаар төлөвлөн ажиллаж байна.
Энэ удаад орон нутгийн иргэд, олон нийтэд бүртгэлийн үйлчилгээг хүндрэлгүй, түргэн шуурхай үзүүлэх, салбарын үйл ажиллагаа, хууль тогтоомжийг сурталчлах зорилгоор 5 дугаар сарын 01-ний өдөр “Танд ойрхон Төрийн үйлчилгээ” арга хэмжээг зохион байгуулагдана.
Энэ өдөр:
- Гадаад паспорт шинээр захиалах (хэвлэгдэж ирсэн паспортыг олгох)
- Иргэний үнэмлэх шинээр захиалах (хэвлэгдэж ирсэн үнэмлэхийг олгох)
- Үл хөдлөх, эд хөрөнгө шинээр бүртгүүлэх
- Гэрээний үндсэн дээр хийгдэх бүртгэл
- Хуулийн этгээдийн 3 төрлийн бүртгэл
- Иргэний улсын бүртгэлийн 8 төрлийн бүртгэлийн үйлчилгээ зэрэг олон төрлийн үйл ажиллагааг үзүүлж тухай бүр эцэслэн шийдвэрлэж ажиллана.
Мөн тоон гарын үсгийг үнэ төлбөргүй олгохоос гадна салбарын баримт бичгийн түүхэн үзвэрийг үзүүлэхээр бэлтгээд байна.
Арга хэмжээний үеэр төрийн байгууллага хоорондын уялдаа холбоог хангах зорилгоор аймгийн Газрын харилцаа, барилга, хот байгуулалтын газартай хамтран ажиллаж иргэдэд нэгдсэн, цогц үйлчилгээ үзүүлэхийг зорин ажиллаж байна.
ИРГЭД ТА БҮХЭН ХҮРЭЛЦЭН ИРЖ ҮЙЛЧЛҮҮЛЭЭРЭЙ.
