Улсын бүртгэлийн хэлтэс нь орон нутгийн иргэддээ төрийн үйлчилгээг түргэн шуурхай, чирэгдэлгүй хүргэх зорилгоор нийт сумдад Үндэсний энгийн гадаад паспорт захиалах үйлчилгээг эхлүүлээд байгаа билээ.
Энэ нь иргэд гадаад паспорт захиалахын тулд аймгийн төв рүү зорчих, үүнтэй холбогдсон зардал, цаг хугацааг хэмнэсэн бодитой арга хэмжээ болж байна.
Энэхүү ажлын хүрээнд гадаад паспортыг иргэдэд эрсдэлгүй, аюулгүй, шуурхай хүргэх зорилгоор “Монгол шуудан”-ын аймаг дахь салбартай гэрээ байгуулан ажиллаж эхэллээ.
Тус байгууллага нь сумдад гадаад паспортыг эрсдэлгүй хүргэх асуудлыг бүрэн хариуцах бөгөөд “Дотоодын энгийн шуудан үйлчилгээ”-ний хамгийн бага тариф болох 4650 төгрөгөөр хүргэлтийн үйлчилгээг үзүүлж байна
