Дорноговь аймгийн Улсын бүртгэлийн хэлтэс болон Газрын харилцаа, барилга, хот байгуулалтын газрын удирдлагууд хамтран тохиролцож төрийн байгууллага хоорондын уялдаа холбоо, хамтын ажиллагааг сайжруулах, иргэн хуулийн этгээдэд хүндрэлгүй чирэгдэлгүй үйлчилгээг үзүүлэх, нэгдсэн ойлголтод хүрэх хамтарсан уулзалтыг зохион байгуулан ажиллаа.
Тус уулзалтаар Үл хөдлөх эд хөрөнгөд гэрчилгээ олгох асуудал, Гадаадын хөрөнгө оруулалттай хуулийн этгээдийн шилжилт хөдөлгөөний асуудал, Хаягийн асуудал зэргээр харилцан санал солилцож тодорхой арга хэмжээг хэрэгжүүлж хамтран ажиллахаар тохиролцлоо.
Мөн аймгийн хэмжээнд иргэнд олгосон өмчлөлийн газрын мэдээллийн санг цэгцлэх, эцсийн өмчлөгчийн мэдээллийг холбож зөрчлийг арилгах ажлыг хамтран зохион байгуулахаар шийдвэрлэлээ.
Цаашид Улсын бүртгэлийн хэлтэс нь иргэдэд үйлчилдэг бусад төрийн байгууллагуудтай хуваарийн дагуу тус уулзалтыг зохион байгуулж байгууллага хоорондын уялдаа холбоог сайжруулах, нэгдсэн ойлголтод хүрэх, цаашлаад төрийн үйлчилгээний хүртээмж, бүтээмжийг нэмэгдүүлэхээр зорин ажиллаж байна.
