Улсын бүртгэлийн ерөнхий газрын 2023 оны 05 дугаар сарын 24-ний өдрийн Б/424 тушаалаар тус хэлтсийн зохион байгуулалтын бүтэц, орон тооны дээд хязгаарыг 29, гэрээт ажилтны 2 орон тоо, нийт 31 орон тоотойгоор баталсан.
Тайлант хугацаанд тус хэлтэс нь төрийн захиргааны 22, төрийн үйлчилгээний 4, гэрээт 2 ажилтантайгаар үйл ажиллагаа явуулж байна.
- 2024 оны ХАСХОМ-ийг 28 төрийн захиргааны албан хаагчаас хуулийн хугацаанд буюу 2025 оны 2 дугаар сарын 15-ны өдрийн дотор шинэчлэн гаргуулж баталгаажуулсан.
- Улсын бүртгэлийн ерөнхий газрын даргын 7 тушаалыг хүлээн авч, холбогдох албан хаагч нарт танилцуулан хэрэгжилтэнд, хяналт тавин ажиллаж байна.
- “Хүний нөөцийн удирдлагын мэдээллийн тогтолцоо” цахим санг эрхлэн хөтөлж өөрчлөлтийг тухай бүр хийж байна.
- Хэлтсийн даргын Хүний нөөцийн үйл ажиллагаатай холбоотой 6 тушаал гаргасан байна. Үүнд:
- Ээлжийн амралтын хуваарь батлах тухай-1
- Цалин хөлс, ур чадварын нэмэгдэл олгохтой холбоотой-5
5. Улсын бүртгэлийн ерөнхий газрын даргын хүний нөөцийн үйл ажиллагаатай холбоотой 7 тушаал гарсан байна.
Хуульд заасан бусад төрлөөр буюу Улсын бүртгэлийн байгууллагын үйлчилгээний стандарт зөрчсөн, ёс зүйн зөвлөлийн шийдвэрээр сахилгын шийтгэл ногдуулсан албан хаагч байхгүй байна.
6. Тайлант хугацаанд 6 албан хаагчийг шагнаж урамшуулсан ба шагналын төрлөөр авч үзвэл:
- Аймгийн Засаг даргын “Жуух бичиг” шагналаар -1 албан хаагч
- Аймгийн Засаг даргын “Өргөмжлөл”-өөр 1 албан хаагч
- Сайншанд сумын ИТХ-ын “Өргөмжлөл”-өөр 2 албан хаагч
- Хууль хяналтын харилцагч байгууллагын “Талархлын бичиг”-ээр 2 албан хаагчийг тус тус шагнасан.
Төрийн захиргааны албан хаагчдын 2024 оны гүйцэтгэлийн төлөвлөгөөний хэрэгжилтийн үнэлгээ, төрийн албанд ажилласан болон тухайн албан тушаалын ангилалд ажилласан хугацаа, үйл ажиллагааны үр дүн, мэргэшлийн түвшинг харгалзан Төрийн албаны зөвлөлийн Улсын бүртгэлийн ерөнхий газар дахь салбар зөвлөлөөс санал уламжилсны дагуу төрийн захиргааны 13 албан хаагчдад зэрэг дэв ахиулахаар судалгааг гаргаж хүргүүлсэн.
