Аймгийн Улсын бүртгэлийн хэлтэс нь иргэд, олон нийтэд улсын бүртгэлийн үйлчилгээг түргэн шуурхай, чирэгдэлгүй хүргэх зорилтыг дэвшүүлэн ажиллаж байгаа билээ.
Энэ удаад Улсын бүртгэлийн байгууллага үүсэж хөгжсөний 85 жилийн ойг тохиолдуулан арилжааны банкуудын Дорноговь аймаг дахь салбаруудтай хамтран “Тоон гарын үсгээ хэрэглэж хэвшье” арга хэмжээг зохион байгуулж байна.
Энэхүү арга хэмжээний үеэр аймгийн Хаан банк, Голомт банк, Төрийн банк, Худалдаа хөгжлийн банкуудын удирдлагууд болон ахлах менежерүүдтэй уулзалт зохион байгуулж тоон гарын үсгийг үйл ажиллагаандаа ашигладаг эсэх, иргэдэд тоон гарын үсгийг хэрхэн олгож байгаа талаар болон цаашид анхаарах асуудлаар санал солилцлоо.
Мөн тухайн өдрүүдэд тус хэлтсийн Иргэний улсын бүртгэгч нар тухайн арилжааны банкуудад байрлан ажиллаж иргэд, олон нийтэд тоон гарын үсгийн хэрэглээ, ач холбогдолын талаар сурталчилах, тоон гарын үсгийг түргэн, шуурхай олгох, мөн гадаад паспортын захиалга авах болон бусад төрлийн лавлагаа мэдээллээр үйлчлэн ажиллаж байна.
Энэхүү арга хэмжээ нь 11 дүгээр сарын 11-ний өдрөөс 17-ны өдрүүдэд үргэлжилнэ.
