Монгол Улсад бүртгэлийн байгууллага үүсэж хөгжсөний 85 жилийн ойн хүрээнд Дорноговь аймгийн Улсын бүртгэлийн хэлтэс нь 2025 оны 10 дугаар сарын 03-ны өдөр Улаанбаатар хотод ажиллалаа.
Тус ажлын хүрээнд Улсын бүртгэлийн ерөнхий газрын үйл ажиллагаатай танилцаж, газрын дарга Д.Давааням болон иргэн, эд хөрөнгө, хуулийн этгээд, архивын газруудын удирдлага, ахлах мэргэжилтэнүүдээс сургалт, зөвлөгөө авч, албан хаагчдын мэдлэг мэдээлэл, чадавхыг дээшлүүлэх арга хэмжээ зохион байгуулагдлаа.
Уулзалтын үеэр Улсын бүртгэлийн ерөнхий газрын дарга Д.Давааням тус хэлтэст иж бүрэн компьютер болон принтер бэлэглэж тоног төхөөрмжийн дэмжлэг үзүүллээ.
Мөн Сүхбаатар дүүргийн Улсын бүртгэлийн хэлтсийн “Их тойруу” нэг цэгийн үйлчилгээний төвийн үйл ажиллагаатай танилцаж, ажлын туршлага солилцон, ажлын ачаалал болон нөхцөл байдлыг судалсан юм.
Арга хэмжээний үеэр төрийн ордонд зочлон, “Есөн хөлт цагаан туг”-нд хүндэтгэл үзүүлсэн бөгөөд тус арга хэмжээнд аймгийн бүх сумдын улсын бүртгэгч нар болон хэлтсийн нийт албан хаагчид бүрэн хамрагдлаа.
Уулзалтыг хамтран зохион байгуулсан Улсын бүртгэлтийн ерөнхий газар болон Сүхбаатар дүүргийн улсын бүртгэлийн хэлтсийн хамт олондоо талархлаа илэрхийлье.
