Тус байгууллагын зүгээс улсын бүртгэлийн үйл ажиллагааг иргэд олон нийтэд хүндрэлгүй, түргэн шуурхай хүргэх зорилтыг дэвшүүлэн ажиллаж байгаа бөгөөд энэ удаад бүртгэлийн үйлчилгээний хураамжийг Посс машинаар дамжуулан төлөх боломжийг нэмэгдүүллээ.
Өөрөөр хэлбэл Гэрэгэ посс машинд бүртгэлтэй улсын бүртгэлийн үйлчилгээнд орон нутгийн онцлогоос хамаарсан 8 төрлийн төлбөрийн үйлчилгээг шинээр нэмэгдүүлж иргэд, олон нийтээс төлбөрийг тухай бүр авах боломжтой болж байна.
Энэ нь иргэд бүртгэлийн үйлчилгээний төлбөрөө заавал банкинд тушааж баримт авчрах биш тухайн бүртгэгчийн посс машинаар дамжуулан карт болон QR кодоор тухай бүр шуурхай төлөх боломжтой болж байгаа юм.
Энэхүү үйлчилгээг хамгийн өндөр ачаалалтай Замын-Үүд сумаас эхлүүлж, тус сумын бүртгэгч нарт тус бүр посс машиныг гардууллаа.
Цаашид бусад сумдын бүртгэгч нарыг ьус төхөөрөмжөөр ханган иргэд олон нийтэд төрийн үйлчилгээг хүндрэлгүй, түргэн шуурхай хүргэх боломжийг нэмэгдүүлэхээр ажиллаж байна.
Мөн тус арга хэмжээний үеэр байгууллагын нөөцөд бүртгэлтэй олон үйлдэлт скайнарын төхөөрөмжийг хүлээлгэн өгөв.
