Улсын бүртгэлийн хэлтэс нь 2026 онд албан хаагчдын мэдлэг, боловсрол, харилцаа, хандлагыг сайжруулахад онцгойлон анхаарч ажиллахаар төлөвлөсөн бөгөөд 7 хоног бүрийн лхагва гаригт “Өглөөний уулзалт, сургалт”-ыг зохион байгуулж эхэллээ.
Үүний хүрээнд аймгийн ЗДТГ-ын Хууль, эрх зүйн хэлтсийн дарга Ч.Нандин-Эрдэнэ оролцсон бөгөөд албан хаагчдад “Төрийн албан хаагчийн ёс зүй болон хүний эрхийн мэдрэмжтэй байх, мөн авлига ашиг сонирхлын зөрчлөөс урьдчилан сэргийлэх нь” зэрэг сэдвээр уулзалт, сургалтыг зохион байгууллаа.
Тус уулзалт, сургалт нь харилцан ярилцлага хэлбэрээр зохион байгуулагдсан нь албан хаагчдыг нээлттэй, санал бодлоо чөлөөтэй илэрхийлэх боломжийг бүрдүүлэхээс гадна сэдвийн хүрээнд мэдвэл зохих асуудлуудыг хөгжөөнт байдлаар тайлбарлан ойлгуулсан нь үр дүнтэй байсныг онцоллоо.
Албан хаагчдын мэдлэг, мэдээллийг дээшлүүлэх энэхүү “Өглөөний уулзалт, сургалт”-ыг 2026 оны 04 дүгээр сарын 01-ний өдрийг хүртэл 7 хоног бүрийн 3 дахь өдрийн өглөөний 8:00-9:30 минутад зохион байгуулахаар төлөвлөгөөндөө тусгасан.
